Праваабаронцы за свабодныя выбары

Назіранне ажыццяўлялася актывістамі РПГА "Беларускі Хельсінкскі камітэт" і ПЦ "Вясна" ў межах кампаніі "Праваабаронцы за свабодныя выбары".

Назіранне ажыццяўлялася актывістамі РПГА "Беларускі Хельсінкскі камітэт" і ПЦ "Вясна" ў межах кампаніі "Праваабаронцы за свабодныя выбары".

Прадстаўнік кампаніі “Праваабаронцы за свабодныя выбары” прыняў удзел у паседжанні Міжведамаснай экспертнай рабочай групы па разглядзе рэкамендацый БДІПЧ АБСЕ па ўдасканаленні выбарчага працэсу ў Беларусі.

Кампанія “Праваабаронцы за свабодныя выбары” прадстаўляе стратэгічны дакумент з абгрунтаваннем рэкамендацый аб унясенні зменаў у выбарчае заканадаўства Беларусі, якія эксперты лічаць крытычна важнымі для правядзення ў краіне свабодных, справядлівых і дэмакратычных выбараў.

Кампанія "Праваабаронцы за свабодныя выбары" звяртаецца да нацыянальных і міжнародных экспертаў з заклікам да шырокага абмеркавання пытанняў імплементацыі рэкамендацый назіральнікаў па ўдасканаленні выбарчага заканадаўства Беларусі.

22 верасня беларускія праваабаронцы ў межах канферэнцыі АБСЕ па чалавечым вымярэнні правялі паралельнае мерапрыемства па выніках парламенцкіх выбараў у Беларусі.

Спецыяльны дакладчык ААН па пытанні аб становішчы ў галіне правоў чалавека ў Беларусі Міклаш Харасці выказаў сваё стаўленне да праведзеных у краіне парламенцкіх выбараў у адмысловай заяве, апублікаванай на сайце офіса ААН у Жэневе.

На прэс-канферэнцыі ў Мінску каардынатары кампаніі "Праваабаронцы за свабодныя выбары" Алег Гулак і Уладзімір Лабковіч прадставілі сваю ацэнку парламенцкай кампаніі - 2016.

Напярэдадні асноўнага дня галасавання ЦВК змяніла парадак накіравання ў выбаркамы назіральнікаў, дазволіўшы прысутнасць толькі адной даверанай асобы кандыдата на ўчастку. Назіральнікі расцэньваюць гэта як палітычны крок, скіраваны на зніжэнне празрыстасці падліку галасоў.

Практыка правядзення датэрміновага галасавання застаецца адной з сістэмных праблем выбарчага працэсу і стварае шырокія магчымасці для выкарыстання адміністрацыйнага рэсурсу і іншых маніпуляцый. У сувязі з гэтым рэкамендацыі БДІПЧ АБСЕ ў частцы зменаў працэдур датэрміновага галасавання застаюцца актуальнымі.

Не былі забяспечаныя роўныя правы кандыдатаў; лепшыя ўмовы для агітацыі створаныя для кандыдатаў ад улады: на іх карысць актыўна выкарыстоўваўся адміністрацыйны рэсурс, былі задзейнічаныя электронныя і друкаваныя СМІ.

Па дадзеных назіральнікаў кампаніі, атрыманых са 182 выбарчых участкаў, колькасць прагаласаваўшых за чацвёрты дзень датэрміновага галасавання склала 18 572 чалавекі, а паводле пратаколаў УВК 21 276 чалавек. Розніца складае 2 704 чалавекі, альбо 12,7%.

Па дадзеных назіральнікаў кампаніі, атрыманых са 186 выбарчых участкаў, колькасць прагаласаваўшых за трэці дзень датэрміновага галасавання склала 16 612 чалавек, а паводле пратаколаў УВК – 18 685 чалавек.

Па дадзеных назіральнікаў кампаніі, атрыманых са 189 выбарчых участкаў, колькасць прагаласаваўшых за другі дзень датэрміновага галасавання склала 12 955 чалавек, а паводле пратаколаў УВК -- 14 004 чалавек. Розніца складае 1 049 чалавекі, альбо 7,5%.

У імправізаванай казцы для дарослых эксперт кампаніі "Праваабаронцы за свабодныя выбары" Валянцін Стэфановіч заклікае "студэнтаў-трусікаў" не падпарадкоўвацца "дэканам-ваўкам", якія заганяюць іх на датэрміновае галасаванне. Пра выпадкі прымусу праваабаронца просіць паведамляць на "гарачую лінію".

306 кароткатэрміновых назіральнікаў кампаніі “Праваабаронцы за свабодныя выбары” вядуць штодзённае назіранне за правядзеннем датэрміновага галасавання на 153 выбарчых участках па ўсёй тэрыторыі краіны.

Кампанія “Праваабаронцы за свабодныя выбары” адкрыла “гарачую лінію” для паведамленняў пра парушэнні падчас выбараў дэпутатаў у Палату прадстаўнікоў Нацыянальнага сходу 6-га склікання.