Бабруйск: на галасаванне ў медкаледжы ўжо зранку -- чэргі
Бабруйск. Датэрміновае галасаванне ў медкаледжы.
У першы дзень галасавання на ўчастку №26, які размяшчаецца ў медыцынскім каледжы (Ленінская акруга), прагаласаваў 91 чалавек.
Як адзначаюць незалежныя назіральнікі, відавочна ўсе яны - студэнты каледжу, бо былі апранутыя ў медыцынскія халаты. На ўчастак яны прыходзілі па адным-два чалавекі, магчыма, каб не ствараць уражання масавага наведвання.
На другі дзень галасавання каля памяшкання ўжо можна заўважыць невялікія чэргі, але ўнутр па-ранейшаму студэнты заходзяць па адным.
Агулам на гэтым участку мусяць прагаласаваць 300 студэнтаў.
