Абскарджванне папярэджання, вынесенага Слуцкім выбаркамам Аліне Нагорнай, не дало плёну
Мінская абласная камісія адмовілася адмяняць папярэджанне Слуцкага акруговага выбаркаму кандыдатцы Аліне Нагорнай, атрыманага ёй за ўключэнне ў спіс давераных асобаў іншага кандыдата. Мінскі абласны суд скаргу па сутнасці разглядаць увогуле не стаў.
- Сямнаццатага жніўня я падала на рэгістрацыю ў Слуцкі акруговы выбаркам спіс даверных асоб, у які быў унесены кандыдат з Вілейскай акругі Максім Ціханаў. У адпаведнасці ж з часткай 4 артыкула 76 Выбарчага кодэксу даверанай асобай кандыдата ў дэпутатаы не можа быць іншы кандыдат у дэпутаты, - згаджаецца Аліна Нагорная. - Але ж я, як кандыдат, толькі падаю спіс давераных асоб, а яго рэгістрацыяй і праверкай займаецца выбаркам. 18 жніўня Слуцкая акруговая камісія рэгіструе маёй даверанай асобай Максіма Ціханава. Фактыча сама камісія і парушае выбарчае заканадаўства.
Вынясенне папярэджання за “апіску”, на думку Аліны Нагорнай, з’яўляецца спробай прадстаўнікоў Слуцкай акруговай выбарчай камісіі схаваць сваю некампетэнтнасць:
- 25-га жніўня прадстаўнікі камісіі заўважаюць сваю памылку і, пераканаўшыся ў тым, што яны такі парушылі закон, зарэгістраваўшы кандыдата даверанай асобай, вырашылі як мінімум схаваць сваю некампетэнтнасць і выклікалі мяне на паседжанне, дзе вынеслі папярэджанне. Яны спаслаліся на той самы артыкул 76, але ім не рэгулюецца адказнасць за будзь-якое парушэнне.Тым больш, зноўку адзначу, менавіта камісія займаецца рэгістрацыяй давераных асоб і, адпаведна, сама камісія і вінавата ў тым, што даверанай асобай быў зарэгістраваны кандыдат у дэпутаты.
Нягледзячы на нежаданне Мінскай абласной выбарчай камісіі ўстаць на бок Аліны Нагорнай, кандыдатка палічыла вынесенае прапярэджанне несправядлівым. Абскардзіць яго кандыдатка паспрабавала ў Мінскім абласным судзе, але па хадайніцтву прадстаўніка выбаркаму суд разглядаць справу па сутнасці не стаў, спаслаўшыся на невыкананне тэрміну абскарджвання.
