Праваабаронцы за свабодныя выбары

Праваабарончы цэнтр «Вясна» беларускі хельсінкскі камітэт

Сенатар Марзалюк лічыць сустрэчу з выбаршчыкамі "прыватнай размовай" і абвінавачвае журналіста ў выкарыстанні бруднай тэхналогіі

Магілёў. Ігар Марзалюк на агітацыйным пікеце. Фота tut.by
Магілёў. Ігар Марзалюк на агітацыйным пікеце. Фота tut.by

Член Савета Рэспублікі, кандыдат у дэпутаты па Магілёўскай-Ленінскай акрузе №84 Ігар Марзалюк назваў сустрэчу з выбаршчыкамі "прыватнай размовай".

Як раней паведамлялася ў СМІ, вечарам 25 жніўня на перадвыбарчай сустрэчы з выбаршчыкамі Ігар Марзалюк голасна заявіў, што Расія ў адносінах да Украіны здзейсніла жудасную рэч, у прыватнасці, анэксаваўшы Крым. У сваю чаргу дзеючы прэзідэнт Украіны ім быў названы "мярзотнікам", а палітык Арсень Яцанюк і кіраўнік Савета нацыянальнай бяспекі Украіны Аляксандр Турчынаў - здраднікамі нацыі, якія павінны "гніць у турме".

"Мае словы вырвалі з кантэксту. Па-другое, гэта быў прыватны размова з чалавекам, калі я выказаў свой пункт гледжання. Я не даваў інтэрв'ю журналісту, і я лічу, што гэта проста брудная тэхналогія, якую выкарыстаў карэспандэнт у падтрымку маіх апанентаў з дыскрэдытацыяй мяне і Савета Рэспублікі", - цытуе Марзалюка партал tut.by, які апублікаваў 28 жніўня вялікі рэпартаж пра вядзенне даным кандыдатам сваёй кампаніі. 

Варта адзначыць, што кандыдатамі па Магілёўскай-Ленінскай акрузе №84 таксама з'яўляюцца Андрэй Бодзілеў, Анастасія Войтава, Людміла Здорыкава, Аляксандр Козін, Сяргей Шаўчэнка.

“Праваабаронцы за свабодныя выбары”


Каментары