Бабруйск: агітацыйныя плакаты -- пакуль толькі за кандыдатку-чыноўніцу (фота)
Бабруйск. Інфармацыйны плакат пра парламенцкія выбары-2016.
У Бабруйску дастаткова інфармацыйных плакатаў пра маючыя адбыцца выбары. Яны размешчаны на будынках, інфармацыйных дошках, ёсць таксама расцяжкі і білборды.
Што тычыцца агітацыйных матэрыялаў кандыдатаў, то на дадзены момант на гарадскіх вуліцах можна заўважыць толькі прадукцыю, вырабленую для кандыдаткі-чыноўніцы Ірыны Рынейскай. Яна займае пасаду начальніка ўпраўлення адукацыі, спорту і турызму гарвыканкаму і балатуецца па Ленінскай выбарчай акрузе.
Найбольш плакатаў Рынейскай можна заўважыць у ваколіцах гарвыканкаму і цэнтральнай плошчы. Яны ёсць таксама на крамах, цырульні, цэнтральным аддзяленні "Белтэлекаму" ды іншых найбольш наведвальных месцах.
