“Гродзенская праўда” працягвае выбіральны падыход да публікацыі матэрыялаў пра кандыдатаў
Газета “Гродзенская праўда” (галоўны рэдактар Павел Сухарукаў), нягледзячы на ранейшыя скаргі незалежных назіральнікаў, працягвае на сваіх старонках публікаваць матэрыялы ў падтрымку асобных кандыдатаў у дэпутаты. Пры маўчанні і патуранні абласной ТВК займаюцца гэтым і іншыя ўладныя рэсурсы.
Прыкладам, 11.08.16, у дзень рэгістрацыі кандыдата Валянціна Міхневіча – намесніка міністра МУС у АВК Дзятлаўскай выбарчай акругі №56 на сайце Гродзенскага аблвыканкама з’явіўся пра яго артыкул. Аўтарка артыкулу "Профессионализм, ответственность высокая культура должны быть присущи каждому сотруднику милиции" – журналістка Алена Гузень.
Такі ж сама артыкул надрукаваны і ў “Гродзенскай праўдзе” ад 11.08.16 №63.
У тым жа нумары газеты змешчаны артыкул пра Сяргея Пацэвіча – начальніка галоўнага упраўлення арганізацыйна-кадравай работы Гродзенскага аблвыканкама, кандыдата па Гродзенскай-Занеманскай акрузе №49.
Артыкул пра прэтэндэнта ў кандыдаты Віктара Русака – начальніка аддзелу сацыяльнага развіцця акцыянернага таварыства “Гродна-Азот” надрукаваны ў "Гродзенскай праўдзе" №62 ад 06.08.16. Гэта артыкул "Забота дает результат" – аўтары Рыма Карней – спецыяліст інфармацыйна-рэкламнага аддзелу “Гродна-Азот” і журналіст Мікалай Шлык.
Незалежныя назіральнікі лічаць, што такім чынам праводзіцца агітацыя за праўладных кандыдатаў з выкарыстаннем адміністрацыйнага рэсурсу, прыёмаў выбарчых паліттэхналогій, якія парушаюць роўныя правы для ўсіх удзельнікаў выбарчай кампаніі.
