Выніковая справаздача па назіранні за рэгістрацыяй кандыдатаў
Назіранне ажыццяўляюць актывісты РПГА «Беларускі Хельсінкскі камітэт» і ПЦ «Вясна» ў рамках кампаніі «Праваабаронцы за свабодныя выбары»
ВЫСНОВЫ
- этап вылучэння і рэгістрацыі кандыдатаў прайшоў без істотных адрозненняў ад мінулых парламенцкіх выбарчых кампаній;
- збор подпісаў адбываўся ў спакойнай абстаноўцы, значных перашкодаў для ініцыятыўных груп з боку ўлады не зафіксавана;
- адзначаны выпадкі выкарыстання адміністрацыйнага рэсурсу на карысць праўладных кандыдатаў, ціску на сябраў ініцыятыўных груп па вылучэнні апазіцыйных кандыдатаў;
- назіранне вялося ў 49 са 110 АВК; у шэрагу АВК (27%) праверка подпісаў па вылучэнні кандыдатаў была дастаткова празрыстай, назіральнікі мелі магчымасць адсочваць гэты працэсс, у тым ліку працэдуру выпадковай выбаркі подпісаў для праверкі. Гэта расцэньваецца як станоўчая практыка. Негатыўным фактарам сёлетняй выбарчай кампаніі з’яўляецца тое, што ў большасці АВК (73%), як і раней, назіральнікам кампаніі «Праваабаронцы за свабодныя выбары» адмоўлена ў праве назіраць за працэдурай праверкі подпісаў;
- сёлетняя выбарчая кампанія одзначана большай колькасцю вылучэнняў у кандыдаты ў дэпутаты ў параўнанні з мінулымі кампаніямі: 365 – у 2008 г., 464 – у 2012 г., 630 – у 2016 г.) і меншым ўзроўнем адмоваў у рэгістрацыі кандыдатаў (23% – у 2008 г., 24,7% – у 2012 г., 14,8% – у 2016 г.).
