Шэсць прэтэндэнтаў з сямі зарэгістраваныя кандыдатамі па Партызанскай акрузе
Як паведамілі назіральнікі кампаніі “Праваабаронцы за свабодныя выбары”, 8 жніўня ў Партызанскай акрузе №110 у Мінску прайшла рэгістрацыя кандыдатаў у дэпутаты Палаты прадстаўнікоў шостага склікання.
З сямі вылучаных прэтэндэнтаў было зарэгістравана шэсць чалавек: галоўны ўрач “Бальніцы паліятыўнага дагляду “Хоспіс” Мычко Вольга, дырэктар гімназіі №5 г. Мінска Захарава Лада, намеснік дырэктара кампаніі “Фінансавы аўтсорсынг” Янчурэвіч Віктар, якія вылучаліся шляхам збору подпісаў выбаршчыкаў, Ніканаў Раман ад Камуністычнай партыі Беларусі, Глазко Аляксандр ад Беларускай патрыятычнай партыі і Трус Ігар ад Ліберальна-дэмакратычнай партыі.
- Рэгістрацыя кандыдатам Віктара Янчурэвіча
Не зарэгістравалі заснавальніка і дырэктара незалежнага інфармацыйнага партала “БелНавіны” (УП “Медыя Навіны”) Віталя Кісцернага. Адмовай у рэгістрацыі сталі 62 (17,7%) подпісы, якія былі прызнаныя несапраўднымі. Гэта адзіны кандыдат, подпісы якога былі накіраваныя ў РУУС Партызанскага раёна, бо ў сябраў камісіі з’явілася падазрэнне ў сапраўднасці сабраных подпісаў. Сам Віталь Кісцерны на паседжанне не з’явіўся.
- Віталь Кісцерны, фота belnovosti.by
