Баранавіцкаму назіральніку адмоўлена ў магчымасці прысутнічаць пры праверцы сапраўднасці подпісаў
Баранавіцкі назіральнік Сяргей Гоўша звярнуўся ў акруговую выбарчую камісію Баранавіцкай-Заходняй выбарчай акругі № 5 з просьбай прадставіць яму магчымасць прысутнічаць пры праверцы сапраўднасці подпісаў выбаршчыкаў у падпісных лістах.
Адказ Сяргей Гоўша атрымаў за подпісам старышні акруговай камісіі Т. Латышавай. У лісце сказана, што “задаволіць вашу просьбу аб прадстаўленні вам магчымасці прысутнічаць пры праверцы сапраўднасці подпісаў выбаршчыкаў, адабраных для гэтага падпісных лістоў і назірання за працэсам праверкі подпісаў у іх немагчыма”.
Старшыня акруговай камісіі сваю адмову матывавала артыкулам 67 Выбарчага кодэкса, згодна з якім “праверку сапраўднасці подпісаў выбаршчыкаў ажыццяўляюць члены акруговых выбарчых камісій. Удзел назіралнікаў у працэсе праверкі сапраўднасці подпісаў выбаршчыкаў не прадугледжаны”.
