Афіцыйнае статапытанне: 51,1% жыхароў Магілёўскай вобласці плануюць прыйсці на выбарчыя ўчасткі
Амаль 72% жыхароў Магілёўскай вобласці ведаюць аб праходзячай перадвыбарчай кампаніі, сцвярджае Магілёўскі інстытут рэгіянальных сацыяльна-палітычных даследаванняў.
Вынікі навуковага даследавання, якое ў траўні-чэрвені 2016 года правёў Магілёўскі інстытут рэгіянальных сацыяльна-палітычных даследаванняў, апублікаваны сёння на сайце Магілёўскага аблвыканкама. Згодна іх, 71,9% апытаных ведаюць аб правядзенні выбарчай кампаніі. Найбольш інфармаванымі ў гэтым пытанні з'яўляюцца прадстаўнікі старэйшага пакалення. Пра маючую адбыцца палітычную падзею дасведчаныя 71,8% рэспандэнтаў ва ўзросце 30-49 гадоў і 78,5% ва ўзросце 50 гадоў і старэй.
Афіцыйная статыстыка сцвярджае, што значная колькасць жыхароў вобласці лічаць удзел у выбарах сваім грамадзянскім абавязкам - 69,2%. Пры гэтым прыблізна палова (51,5%) плануе прыйсці на выбарчыя ўчасткі.
У ліку вызначальных крытэраў выбару дэпутата большасць рэспандэнтаў лічаць прафесійныя дасягненні (58,8%) і асабістыя якасці (34,3%). Наступнай значнай умовай з'яўляецца ўзрост (9,5%). Пол кандыдата ў дэпутаты важны для 2,3%, адзначаецца на афіцыйным сайце.
