На вуліцах Брэста - пакуль толькі пікеты па збору подпісаў за вылучэнне кандыдатаў дэмакратычных поглядаў
Нягледзячы на тое, што ў брэсцкіх выбарчых акругах зарэгістравана ад трох до шасці ініцыятыўных груп, пікеты для збору подпісаў грамадзян актыўна ладзяць выключна прадстаўнікі апазіцыйных партый і грамадскіх арганізацый.
Першымі выкарыстоўваць пікетаванне ў гэты перыяд выбарчай кампаніі пачалі прадстаўнікі Беларускай сацыял-дэмакартычнай партыі (Грамада), якія ладзяць свае акцыі не толькі ў цэнтры горада, але і ў мікарараёнах. Зараз такі фармат для збору подпісаў абралі і сябры Аб’яднанай грамадзянскай партыі, які дапамагаюь збіраць подпісы за вылучэнне ў якасці кандыдата па Брэсцкай-Усходняй акрузе №3 Дыяны Касцюковіч.
Свой пікет каля кінатэатра “Беларусь” актывісты АГП зрабілі у выглядзе пытанняў і адказаў, распавядаючы не толькі пра свайго вылучэнца, але і па партыйную праграму “Мільён новых працоўных месцаў”. Паводле словаў Дыяны Касцюковіч, гэтая тэма вельмі хвалюе шмат каго з жыхароў Брэста. “Хтосьці выказвае недавер да таго, ці ў нас атрымаецца рэалізаваць гэтую праграму, але ўсё роўна пагаджаецца, што цяперашнія ўлады не здольныя вырашыць пытанне з працаўладкаваннем грамадзян, і таму многія вымушаныя з’язджаць з Беларусі ў пошуках годнага заробку”, - паведаміла Касцюковіч. Такім чынам, лічыць яна, узгадванне гэтай актуальнай праблемы ў часе выбарчай кампаніі прымушае людзей не быць абыякавымі.
