Праваабаронцы за свабодныя выбары

Праваабарончы цэнтр «Вясна» беларускі хельсінкскі камітэт

Брэст: пікеты па зборы подпісаў праходзяць ажыўлена (фота)

Брэст. Пікет па збору подпісаў за вылучэнне Ганны Канюс
Брэст. Пікет па збору подпісаў за вылучэнне Ганны Канюс

Больш за пяцьдзесят подпісаў за паўтары гадзіны было сабрана сябрамі ініцыятыўнай групы ў падтрымку прэтэндэнта па Брэсцкай-Усходняй акрузе №3 Ганны Канюс, старшыні Брэсцкай гарадской арганізацыі БСДП.

Чарговы пікет па зборы подпісаў актывісты Беларускай сацыял-дэмакратычнай партыі (Грамада) правялі на брэсцкім рынку “Лагуна”, які знаходзіцца ў мікрараёне Кавалёва. Як паведаміла Ганна Канюс, жыхары горада лічаць, што цяперашнія дэпутаты Палаты прадстаўнікоў не выконваюць ускладзеныя на іх абавязкі наконт заканадаўчай ініцыятывы і нават прозвішчаў гэтых дэпутатаў мала хто памятае.

Брэст. Пікет па збору подпісаў за вылучэнне Ганны Каню

Брэст. Пікет па збору подпісаў за вылучэнне Ганны Каню

“Пікет адбываўся даволі ажыўлена: жыхары мікрараёна падыходзілі, цікавіліся, задавалі свае пытанні, дзяліліся меркаваннем пра нацыянальныя і агульнагарадскія праблемы”, - кажа Ганна Канюс, якая падзякавала ўсім, хто паставіў подпіс за вылучэнне, выказаў падтрымку і даў свае парады ў выпадку абрання дэпутатам. Брэсцкія сацыял-дэмакраты маюць намер працягнуць збор подпісаў як у пікетах, так і па кватэрах мясцовых жыхароў да пачатку жніўня.

“Праваабаронцы за свабодныя выбары”


Каментары