Бабруйск: інфармацыю пра паседжанні акруговых камісій даведацца было немагчыма
У адміністрацыях Першамайскага і Ленінскага раёнаў 28 чэрвеня прайшлі першыя паседжанні сфармаванх акруговых камісій. Але даведацца пра іх у жыхароў Бабруйску не было магчымасці: абвестак не было ні ў газетах, ні на сайтах гарвыканкаму і адміністрацый раёнаў.
Як адзначае назіральнік ад БХК, нават у самім будынку адміністрацыі Ленінскага раёна не было ніякай візуальнай інфармацыі наконт паседжання, там можна было ўбачыць толькі абвестку з раскладам працы камісіі. Але кабінет № 113, дзе мусіць размяшчацца камісія, быў зачынены на працягу дня. Працоўны тэлефон камісіі таксама не адказваў.
Як аказалася, час і месца паседжання быў указаны толькі ў рубрыцы, прысвечанай выбарам, на сайце Магілёўскага аблвыканкаму. Відавочна, для бабруйчан было б зручней, каб такая інфармацыя з'яўлялася ў першую чаргу на мясцовых сайтах, як гэта было на мінулых выбарах.
