Праваабаронцы за свабодныя выбары

Праваабарончы цэнтр «Вясна» беларускі хельсінкскі камітэт

У Кастрычніцкім раёне Магілёва ўмовы для правядзення перадвыбарных сустрэч пагоршыліся

Адміністрацыя Кастрычніцкага раёна Магілёва павялічыла колькасць месцаў, забароненых для перадвыбарчых сустрэч.

Нагадаем, што першапачаткова забароненыя для правядзення масавых перадвыбарчых мерапрыемстваў месцы ў адным район Магілёва былі дазволенымі ў іншым. Так, адміністрацыя Ленінскага раёну ў адрозненні Кастрычніцкага не дапускала правядзення масавых перадвыбарчых мерапрыемстваў на тэрыторыі ўстаноў адукацыі і ахова здароўя. З гэтага вынікала, што тэрыторыі вышэйшых, сярэдніх спецыяльных і прафесійна-тэхнічных навучальных устаноў з'яўляліся дазволенымі для масавых перадвыбарчых мерапрыемстваў у Кастрычніцкім районе, але ў Ленінскім район на іх нельга праводзіць такія мерапрыемствы.

5 жніўня адміністрацыя Кастрычніцкага раёна ўнесла змены ў сваё рашэнне ад 27 лiпеня 2016 года. Новы дакумент публікаваны 10 жніўня ў газеце Магілёўскага гарвыканкама "Веснік Магілёва". Цяпер, гэтак жа як і ў Ленінскім раёне, перадвыбарчыя сустрэчы забараняюцца на адлегласці менш за 50 метраў ад будынкаў мясцовых прадстаўнічых, выканаўчых і распарадчых органаў, тэрыторый арганізацый, якія забяспечваюць абароназдольнасць, бяспеку дзяржавы і жыццядзейнасць насельніцтва. Мінулае рашэнне таксама дапоўнена пунктам аб забароне такіх мерапрыемстваў на тэрыторыі ўстаноў адукацыі і аховы здароўя.

Адзначым, што рашэнне аб скарачэнні колькасці месцаў, дазволеных для перадвыбарных сустрэч, адміністрацыя Кастрычніцкага раёна ўзгадніла з дзвюма камісіямі Магілёўскай-Кастрычніцкай выбарчай акругі № 86 і Магілёўскай-Прамысловай выбарчай акругі № 87. Яшчэ 5 жніўня яны падтрымалі праект рашэння раённых улад.

Разам з тым, як у новым рашэнні адміністрацыі Кастрычніцкага раёна, так і ў рашэнні адміністрацыі Ленінскага раёна няма тлумачэння, якія менавіта арганізацыі забяспечваюць абароназдольнасць, бяспеку дзяржавы і жыццядзейнасць насельніцтва.

“Праваабаронцы за свабодныя выбары”


Каментары